رساله من الكاتبه ملك ابراهيم علي الجزء الجديد من روايه مكتوبه علي اسمي

قبل أي حاجة عايزة أقولكم ان انتوا وحشتوني جدا لاني اتعودت ان الرواية تجمعنا كل يوم وده انا مفتقداه

البوست ده مهم لكل متابعين الرواية ياريت كلكم تقرؤه للاخر.

في منشورات وتعليقات كتير بيسألوا عن الجزء الثاني وانا عايزة أكون واضحة معاكم لأني مش هقدر اخدع نفسي او اخدعكم واقولكم حاضر هبدأ نشر وانا عارفه انه هيكون صعب جدا لان الجزء الثاني من الرواية لسه مش جاهز دلوقتي وانا مش هقدر ابدأ نشر وانا مش مجهزة فصول الرواية لاني اتعودت التزم معاكم بالنشر يوميا ومش هقدر اكتب كل يوم فصل وانشره لاني مش ضامنه وقتي لان اولادي الاتنين في المدرسة وهما لسه صغيرين وواخدين كل وقتي دا بجانب شغلي الأساسي والبيت لاني انسانه عادية زيكم بالظبط وحياتي زيكم والكتابة بالنسبه ليا هواية زي القراءة بالنسبة لكم يعني بتحتاج وقت فراغ وكلكم عارفين اننا بنفتقد وقت الفراغ حاليا مع الدراسة والأولاد وبحاول على قد ما اقدر اكتب في الرواية لكن مش هقدر اخاطر وابدأ نشر وتتعلقوا بالأحداث اكتر وانا مقدرش التزم وكل يوم اعتذر عن نزول الفصل واتأخر وندخل في حوارات كتير.. انا مش هعمل كده وبتمنى تقدروا ده وان شاء الله ربنا يقدرني واقدر اجهز الرواية وارجعلكم في أقرب وقت ادعولي

الكاتبة ملك إبراهيم